حين تبكي الأرض رجالها

الشاعر عباس شرف – البقاع الغربي.. حين تبكي الأرض رجالها*بمناسبة ذكرى سماحة السيد حسن نصر الله (قدس سره)*من البقاع الغربي، من السهل اللي بيعرف العرق والتعب، من الأرض اللي ربيت رجال بيعرفوا شو يعني كرامة وشو يعني مقاومة، يطل علينا صوت صادق، صوت بيشبه ترابنا.عباس مش شاعر مناسبات، عباس ابن الأرض. كلمته مش مزخرفة، كلمته محروقة. بيكتب متل ما بيحكي الفلاح مع أرضه، ومتل ما بيحكي المجاهد مع بارودته. قصيدته ما بتنقرا، بتنسمع، لأنها طالعة من صدر مليان غصة.في ذكرى السيد، ما قدر عباس يسكت، لأنو اللي راح مش قائد عابر، اللي راح كان بيشوف فيه حسين عصره، وكان يشوف فيه كل الدني.يقول عباس:*١- ما تعود تطل*>معقول يعني ما تعود تطل…. ونسمَع صلا مجبول بحروفَك…. مش هيك نحنا معوّدين نضل…. يمرق علينا شهور ما نشوفَك….>شفتَك حسين بعصرنا بتهل….> حجّاج نحنا نبرم نطوفَك….>> مش بس دنيا وأهل شفتَك كل….> عمرَك علينا كان مصروفَك….> أيتام تاركنا وجَع منحل….> ومشلّخة الدمعات ع خسوفَك….> كيف هيك فجأة بتبرم وبتفل….> وبالروح غصة نافرة بتدل….> انو النّصر مشتاق لكفوفَك*٢- هاك العباية*> وهاك العباية من الطهر آية….> تمتم صدى القرآن عَ تمّا….> فيها خشوع من السما جايي….> بترشح قداسة وقت ما تضما….> خيطانها من المجد تنقاية….> جبّة رسول بظن تتسمّى….> الإيمان منها شرشر كفاية….> جبّة الزهرا الطاهرة إمّا….> ونفحة عطر فيها مصلاية….> مفتح عبير الورد عَ كمّا….> وما بتنهدى بالعمر بوكاية….> إلا لناس بتعرف تشمّا>> ويا ريتك هديتا إلي منشان….> إحمل كرامة كون عَ ديي….> وكلما لبستا من الوهج دفيان….> ووهج النصر يعرق حواليي….> منها يا سيد شو دفي لبنان….> وجمراتها نبضات ثوريّة….>> خيالاتها فلشت على الأكوان….> ورشت على الأبطال حريّة….> وطالع عبالي نسّل الخيطان….> وأبرم على البلدان يوميّة….> وزّع خيطان المجد عالعربان….> علو يا سيد متلك بهالكون…. يطلع كرامة شخص بالميّةهيدا هو عباس شرف، صوت البقاع الغربي اللي ما بجامل، بيحكي وجع الناس متل ما هو.تحية من القلب لعباس، وتحية لروح السيد اللي بعدها دافية بعباية الكرامة. و هاك العباية من الطهر آية …. تمتم صدى القرآن عَ تمَّا ….فيها خشوع من السما جايي ….بترشح قداسة وقت ما تضما ….خيطانها من المجد تنقاية ….جبِّة رسول بظن تتسمى ….الإيمان منها شرشر كفاية ….جبِّة الزهرا الطاهرة إمَّا …. و نفحة عطر فيها مصلاية …. مفتح عبير الورد عَ كمَّا ….و ما بتنهدى بالعمر بوكاية ….إلا لناس بتعرف تشمَّا و يا ريتك هديتا إلي منشان ….إحمل كرامة كون عَ ديي ….و كلما لبستا من الوهج دفيان ….و وهج النصر يعرق حواليي ….منها يا سيد شو دفي لبنان ….و جمراتها نبضات ثوريِّة ….خيالاتها فلشت على الأكوان ….و رشت على الابطال حريِّة ….و طالع عبالي نسِّل الخيطان …. و أبرم على البلدان يوميِّة ….وزع خيطان المجد عالعربان ….علو يا سيد متلك بهالكون …. يطلع كرامة شخص بالميةعباس شرف .خديجة البزال مستشارةالاتحاد – مكملين مع كل الشعراء