ثقافة وفنون
bawwababaalbeck
- وصية الأم
- عطوني ورقة وقلم بدي وصّي
- صار الوقت والموعد من عشية
- صدق لي قال لي خلف ما مات
- وما مات اللي ترك بأهله وصية
- سجلت براس الصفحة باسم الله
- وصليت عالنبي والآل خير الورى سجية
- وتابعت، كل إنسان بدو يفنى
- والموت مفروض والقضية حتمية.
- يمّي، لا بد إنو روح مو بالإيد.
- لو بالإيد ما بخلي دمعاتكم جرية
- ببقى طول العمر حدكن، وبخاف قبل قصرت
- كبرت وكإنو ما عدت متل أول قوية؟!
- خمس وصايا بتحفظوهن للممات
- كلن مهمين وكل وحدة أساسية
- المحبة أولها، وحب الله والرسول
- وأهل البيت هني خير البرية
- وهني العون والمدد من رب السما
- ياما عانوني بكل محنة ورزية
- تانيها، في حد الدار جار
- فيه السيدة الزهراء موصّيّة
- ما تنام وهو جوعان ، شيل
- صحنك إلو وخلي إلك شوية
- الصلاة تالت الوصايا يمّي وعالوقت
- واول الوقت بتنمد المصليّة
- واهدوني بعد كل فريضة، الفاتحة
- بتوصل لقبري هدية مضوية
- ورابع الوصايا تصدقوا عن الغيّاب
- ولكشف الهم عنكم ودفع البلية
- وآخر الوصايا يمي أخواتَك (أخواتِك)
- حنّوا عبعض، ولا تفقدوا الحنية
- كونوا لبعض السند وزوروا بعض
- وخلوا النفوس طاهرة وعالعدا قوية
- بخاطركن يا شمسي بكل نهار
- ويا نجومي بكل ليل مضويّة
- يلا يمي، خدوا مفاتيح الدار
- صار الوقت وقرّب موعد عشية
- وسامحوني لفل بدون سابق إنذار
- هيدا الموت، اللي قضيته حتمية
- ان شالله إنا لو متت ما بغيب
- وما مات اللي ترك بأهله وصية
- بمناسبة وفاة المرحومة الحاجة فهيمة صالح البزال أم عاطف
- نهدي ثواب الفاتحة مع ذكر الصلاة على محمد وآل محمد➖
- ➖➖➖➖➖➖➖➖➖
- كلمات الاخ المجاهد. احمد صالح اليزال اداء خديجة اليزال
