فضيحة عونية جديدة وحزب الله محشور مع حليفه!!
فضيحة عونية جديدة وحزب الله محشور مع حليفه!!
جان جبران إلى التحقيق… وغجر يواكبه بعمليّة إنقاذ داخليّة!
جان جبران “المستشار المقاول القويّ” تحوّل بليلة برتقالية إلى مدير عام
وبينه وبين التيار ملفّات فساد عديدة
نجم جديد بينضم لمجموعة كبيرة من منتفعين “عونيين” دمّروا ما تبقى من العهد وغرّقوا أكتر وأكتر التيار المتلطّي بتوب محاربة الفساد
خير؟!!! شو القصة؟
من ٦ شهور طلعت فضيحة بتقول انو المدير العام لمؤسسة مياه بيروت وجبل لبنان جان جبران عوّض على نفسه مبلغ 10 ملايين دولار، ليش؟؟ بوصفه متعهّد إنشاء سدّ جنّة وصار عراقيل وتأخير في تنفيذ السدّ !!
طبعاً الخطوة مخالفة للقانون وقبل الانتهاء من تنفيذ المشروع، ومن دون bureau veritas، ومن دون وجود أيّ مستندات داعمة بتبرّر كلفة الضرر المزعوم اللي بيستوجب التعويض.
المفاجأة وين؟!! طلع جبران وإخواتو وعايلته بيملكو الشركة اللي هي متعهّد ثانوي لأشغال الخرسانة والهندسة في مشروع سدّ جنّة، وهالشي طبعاً بيتعارض مع أحكام قانون المحاسبة العمومية والأنظمة المالية لمؤسسة مياه بيروت وجبل لبنان.
اليوم
حزب الله أمام امتحان وطني مع فساد العونية وسرقة المال العام .. كيف؟! وشو خصّو بالموضوع؟؟؟
الوزير غجر كلّف مدير الاستثمار غسان نور الدين (المحسوب على حزب الله) برئاسة لجنة التحقيق الداخلي في وزارة الطاقة .. بخطوة بتسبق موافقة الوزير على التحقيق مع جبران من المدّعي العام المالي القاضي علي إبراهيم.
بيقولو انو نور الدين ما بيخضع لأيّ ضغط سياسي بأيّ ملفّ مرتبط بالفساد وهدر المال العام!
ونحن بدورنا رح ننطر التقرير النهائي لي رح يوصل لغجر المستقتل ليغيّر مسار التحقيق الداخلي وتبرئة جبران، وبالتالي الضغط على نور الدين!
هل يجرؤ حزب الله على فضح فساد شريكو العوني؟!
