ثقافة وفنون
bawwababaalbeck
شافك القلب قبل ما تشوفك عينيي..
ونميت بالاحشاء يومية..
صرخت وسهرت وتوجعت ليل نهار،
كرمال ترتاح يا بنيي..
وبالقسا والبرد لبيقطّع المسمار.
كنت غطيك بكفوف ايديي..
زرعت كرمالك كل ارض الدار ،
تتربى بين ورود الندية ..
كبرتك باللحظات والاشبار،
كل شبر بندر محمية..
جوزتك تاتجيب ولاد زغار،
يلبعوا ويتشاقوا حواليي..
لكن يا ابن بطني شواللي صار؟!,
تاماتت بقلبك الحنية..
نكرتني وقسيت متل مسمار،
غرستو بقلبي غرزة قوية..
نسيت الرب الواحد القهار،
شو قال بحق الأهل آيات مرضية ..
روح ياابني،ان شالله ماتتكرر الادوار،
وابنك يعمل فيك
متل ماعملت فيي…
كلمات واداء. خديجة اليزال
